saqib ali saaqi

                         غزل


غم سے ھے دل مرا دو چار مرے ساتھ نہ چل

تُو بھی ھو جائے گا بیزار مرے ساتھ نہ چل




یہ محبت تو مصیبت کی طرح ھوتی ھے

تُجھ کو ھونا نہ پڑے خوار مرے ساتھ نہ چل



تیرا دامن تو گلابوں سے بھرا لگتا ھے

میری قسمت میں ہیں بس خار مرے ساتھ نہ چل



مجھ کو جانا ھے کسی دشت کی جانب تنھا

منتّیں کرتا ھوں اِس بار مرے ساتھ نہ چل

آج کی رات ذرا دیر مجھے سونے دے

منظرِ دیدہء بیدار مرے ساتھ نہ چل

جانے کیوں اُس کو مسافت کی پڑی تھی ثاقب

میں تو کہتا تھا مرے یار مرے ساتھ نہ چل

        ثاقب علی ثاقی